Елордада жүлде қоры 1,6 млн долларды құрайтын халықаралық PGL Astana 2026 турнирі өтеді, деп хабарлайды CMN.KZ
Турнирге әлемдік деңгейдегі командалар қатысады. Матчтарды аренадағы көрермендермен қатар, түрлі елдерден онлайн-аудитория тамашалайды. Жарыс 15–17 мамыр аралығында Barys Arena алаңында өтеді.
«Бұл Counter-Strike 2 турниріне әлемнің 16 үздік командасы жиналады. Қала миллиондаған көрермен назар аударатын алаңға айналады», – деп хабарлады әкімдік.
Турнирді PGL Esports ұйымдастырады. Бұл – киберспорттық жарыстарды өткізетін ірі халықаралық операторлардың бірі. Әкімдік мәліметінше, PGL Astana 2025 турнирі халықаралық аудитория арасында жоғары қызығушылық тудырған. Онлайн қаралымдар рекордтық деңгейге жеткен.
«Астана әлемдік киберспорттың жаңа орталықтарының бірі ретіндегі мәртебесін нығайтты», – деп мәлімдеді әкімдік.
PGL Astana 2026 турнирінің жүлде қоры 1,6 млн долларға дейін ұлғайтылады. Әкімдік дерегінше, бұл оны Counter-Strike 2 бойынша мейджорлардан тыс ең ірі жүлде қоры бар турнирлердің біріне айналдырады.
Мейджорлар – Valve компаниясы демеушілік ететін Counter-Strike 2 ойыны бойынша киберспорттық турнирлер сериясы.
CMN.KZ ресми Telegram арнасына жазылыңыз
