Энергетика министрлігінде энергия өндіруші кәсіпорындардың қарызы саладағы негізгі мәселелердің бірі екені айтылды, деп хабарлайды CMN.KZ
Қазақстанда энергия өндіруші ұйымдардың отын үшін берешегі 37,7 млрд теңгеге жетті. Бұл туралы үкімет отырысында Сунгат Есимханов мәлімдеді.
«Энергия өндіруші ұйымдардың QazaqGaz Aimaq алдындағы берешегі 37,7 млрд теңгені құрайды», – деді ол.
Вице-министрдің айтуынша, бұл мәселе энергетика саласындағы өзекті проблемалардың бірі болып қалып отыр. Сонымен қатар электр энергиясын өндіру көлемі артқан.
2025 жылғы желтоқсанда генерацияның ең жоғары деңгейі тіркеліп, 17 273 МВт-қа жеткен. Бұл алдыңғы кезеңмен салыстырғанда 7%-ға көп. Сондай-ақ температуралық режимді бұзу жағдайлары азайған. Энергетика министрлігінің дерегінше, жылу желілеріндегі температуралық графиктің сақталмауы үш есе қысқарған.
CMN.KZ ресми Telegram арнасына жазылыңыз
