20 сәуірде Қазақстан аумағының басым бөлігінде кең ауқымды антициклонның әсерінен жауын-шашынсыз ауа райы сақталады, деп хабарлайды CMN.KZ
Алайда елдің батысында, солтүстік-батысында, оңтүстігі мен оңтүстік-шығысында атмосфералық фронттардың өтуіне байланысты жаңбыр мен найзағай күтіледі.
Синоптиктердің мәліметінше, оңтүстік және оңтүстік-шығыстың таулы аймақтарында жауын-шашын жаңбыр мен қар түрінде болады.
«Республика бойынша тұман түсіп, жел күшейеді. Батыс пен оңтүстікте шаңды дауыл болуы мүмкін», – делінген хабарламада.
Түнде елдің солтүстігінде, сондай-ақ Түркістан облысының таулы аудандарында және Алматы облысының солтүстігі мен тау бөктерінде -2 градусқа дейін үсік күтіледі.
CMN.KZ ресми Telegram арнасына жазылыңыз
