Қазақстанда екінші атом электр станциясының жұмыс атауы анықталды – оны «Мойынқұм» деп атауы мүмкін, деп хабарлайды CMN.KZ
Бұл туралы Атом энергиясы агенттігінің басшысы Алмасадам Саткалиев мәлімдеді.
Станция атауы оның орналасатын жеріне – Мойынқұм ауылы маңына байланысты таңдалған. Жобаның негізгі серіктесі ретінде China National Nuclear Corporation қарастырылып отыр. АЭС құрылысы халықаралық консорциумның қатысуымен жүзеге асырылуы мүмкін.
Сонымен қатар бірінші станция бойынша жұмыс та жалғасуда. Саткалиевтің айтуынша, Қазақстан мен Ресейүкіметаралық келісімдерді дайындаудың соңғы кезеңіне жеткен.
Бұған дейін бірінші АЭС жобасына қатысатын Росатом құрамындағы кейбір құрылымдарға санкциялар салынғаны белгілі болған.
Алайда ведомствода бұл шектеулер корпорацияның жекелеген компанияларына ғана қатысты екенін және жобаның өзіне әсер етпейтінін атап өтті.
Билік өкілдері санкцияға іліккен ұйымдармен келісімшарт жасалмағанын және оларды құрылысқа тарту жоспарланбағанын мәлімдеді. Жоба жоспарлы режимде іске асырылып жатыр.
CMN.KZ ресми Telegram арнасына жазылыңыз
