Жаңа жыл мерекелері қарсаңында CMN.KZ редакциясы Қазақстан мұсылмандары діни басқармаға «Құпия Санта» ойнауға бола ма деген сұрақпен жүгінді.
«Біздің дінімізде де, дәстүрімізде де “Құпия Санта” деген ұғым жоқ. Сондықтан бөгде мәдени түсініктерді алу мен таңудан гөрі, ұлттық салт-дәстүрлерге және исламның адам жүректерін жақындататын асыл қағидаттарына негізделген құндылықтарды насихаттау әлдеқайда орынды», – деп атап өтті басқарма редакцияның сауалына берген жауабында.
Сондай-ақ ҚМДБ жаңа жылдың діни мереке емес екенін еске салды. Алайда егер оны тек жылдың басталуы ретінде қабылдап, бұл уақытты ізгі істерге, өзара дұға-тілектерге және адамдарға ақжарма тілектер арнауға арнаса, онда мұнда айыптарлық ештеңе жоқ.
«Ал егер мерекелеу ішімдік ішу, ерлер мен әйелдердің еркін араласуы және шариғатта тыйым салынған өзге де әрекеттермен қатар жүрсе, бұл жол берілмейді», – деп ескертті ҚМДБ.
Бұған дейін ҚМДБ мұсылмандар үшін қандай коллагенді пайдалануға тыйым салынғанын айтқан болатын.
