Астанада Ауыл шаруашылығы министрлігі кадрлық және әкімшілік қамтамасыз ету департаменті директорының бұрынғы орынбасарына қатысты үкім шығарылды, деп хабарлайды CMN.KZ
Сыбайлас жемқорлыққа қарсы агенттігінің баспасөз қызметі Б. Б. Жолтайды лауазымдық өкілеттіктерін асыра пайдаланғаны үшін кінәлі деп танылғанын хабарлады:
«Ол үлестес компанияны қызметтік көлікті жөндеуге заңсыз тарту арқылы лауазымдық өкілеттіктерін асыра пайдаланғаны үшін кінәлі деп танылды, бұл мемлекетке 3,2 млн теңге сомасында залал келтірді».
Оған 3,4 млн теңге айыппұл түрінде жаза тағайындалды. Сондай-ақ, бұрынғы шенеунік өмір бойы мемлекеттік қызметте жұмыс жасау құқығынан айырылды.
Сот актісі заңды күшіне енген жоқ.
Бұған дейін Қазақстан соттарына жылдың басынан сыбайлас жемқорлыққа байланысты 366 қылмыстық іс бері жолданғаны туралы белгілі болды.
