Қазақстанда шетелдік жұмыс күшін рұқсатсыз тарту тәртібіне өзгеріс енгізіледі. Жаңа талаптарға сәйкес, жарғылық капиталы шетелдік инвесторларға тиесілі компанияларда тек бір басшы мен бір орынбасары рұқсатсыз жұмыс істей алады, деп хабарлайды CMN.KZ.
Еңбек және халықты әлеуметтік қорғау министрлігі жаңа ережелерді «Ашық НҚА» порталында жариялады. Құжатта жергілікті атқарушы органдардан рұқсат талап етілмейтін тұлғалардың нақты тізімі берілген. Бұл өзгерістер шетелдік инвесторлардың заңды тұлғаларды құрудағы еңбек қатынастарына байланысты туындаған сұрақтарды нақтылау мақсатында енгізіліп отыр.
Негізгі талаптар:
- Енді шетелдік инвесторлардың 100% жарғылық капиталы бар компанияларда тек бір басшы және оның бір орынбасары рұқсатсыз қызмет атқара алады.
- Компанияның жарғылық капиталы 300 мың АҚШ долларынан кем болмауы тиіс. Бұған дейін осындай компанияларда жұмыс істейтін адамдар санына шектеу болмаған.
Бұл түзетулердің енгізілуіне заңсыз көші-қон арналарының пайда болуы түрткі болды. Құжатта көрсетілгендей, кейбір шетелдік азаматтар ТОО ашып, бірнеше адамды орынбасар ретінде тіркеп, іс жүзінде басқа салаларда қарапайым жұмысшы ретінде еңбек етіп келген.
«Заңсыз иммиграцияның алдын алу мақсатында шетелдік бизнесмендер мен нақты тұлғалардың шеңберін нақтылауды ұсынамыз», – делінген құжатта.
Жаңа талаптарға байланысты құжат қоғамдық талқылауға 10 желтоқсанға дейін ұсынылған. Қазақстанда жұмыс істегісі келетін шетелдік кәсіпкерлер үшін бұл ережелердің енгізілуі еңбек нарығын реттеудің жаңа кезеңін бастамақ.
