Қазақстанда жұмысшыларға ипотека және үйді жалға беру бойынша жеңілдікті бағдарламалар кеңейтіледі

Премьер-министр Олжас Бектенов тұрғын үй құрылысын одан әрі дамыту және тұрғын үйдің қолжетімділігін арттыру мәселелері бойынша кеңес өткізді. Министрлер кабинетінің басшысы жұмысшы мамандықтар жылы аясында техникалық мамандарға арналған ипотекалық және жалға берілетін тұрғын үйлердің жеңілдетілген бағдарламаларын кеңейтуді тапсырды, деп хабарлайды CMN.KZ

Сондай-ақ, кеңесте «Отбасы банкін» жеке қаражат тарту үшін трансформациялау тәсілдері талқыланды. Үкімет жеңілдікті бағдарламаларды қаржыландыру бойынша ұсыныстарды қарастырды. Мүндай қадамдар өнеркәсіптік кәсіпорын қызметкерлерін қолдау және жаңа өнімдерді шығаруға көмектеседі.

«Қаражанбасмұнай», «Шұбаркөл көмір», «Еуроазиялық энергетикалық корпорация», «ССКӨБ», «Қазхром «ТҰК», «Қазақстан алюминийі», «Қазақстандық электролиз зауыты» сияқты ірі кәсіпорындармен және басқа да ұйымдармен жұмысшы кәсіп мамандары отбасыларының тұрғын үй жағдайларын жақсарту бойынша жұмыстар басталды», — делінген Үкіметтің баспасөз қызметінің хабарламасында.

Сонымен қатар, Бектенов жұмысшы мамандықтарының жарияланған жылы аясында техникалық мамандар үшін ипотекалық және жалға берілетін тұрғын үйдің жеңілдікті бағдарламасын кеңейту қажеттігін атап өтті.

Өнеркәсіп және құрылыс министрлігінің ақпараты бойынша, 2024 жылы Қазақстанда рекордтық 18,9 млн шаршы метр тұрғын үй енгізілді, бұл өткен жылмен салыстырғанда 6,4% артық. Саланың нақты көлем индексі бір жыл ішінде 113,1% құрады.

Бұған дейін Қазақстанда шетелдік жұмыс күшін рұқсатсыз тарту тәртібіне өзгеріс енгізіледі. Жаңа талаптарға сәйкес, жарғылық капиталы шетелдік инвесторларға тиесілі компанияларда тек бір басшы мен бір орынбасары рұқсатсыз жұмыс істей алады.