22 желтоқсанда таңертең әлеуметтік желіде қаны төгілген пәтердің видеосы пайда болды, деп хабарлайды CMN.KZ
Egov.press Telegram-арнасы едені мен қабырғалары қанға боялған пәтердің видеосын жариялады. Жазбада пәтер иелері клининг қызметін шақырғаны, ал оның қызметкерлері полицияға хабарласқаны, кейін тәртіп сақшылары жедел жәрдем шақырғаны айтылған.
Алайда Алматы қалалық полиция департаменті пәтерде ешқандай ауыр қылмыстық оқиға болмағанын нақтылады.
«Оқиға Алматы қаласының Бостандық ауданындағы пәтерлердің бірінде кеше болған. Тұрғын үйде спирттік ішімдік ішу барысында екі әпке болған. Сынған шыны бөтелкені абайсыз пайдалану салдарынан олардың біреуі аяғын кесіп алған», – деп хабарлады ПД өкілдері.
Полицияның айтуынша, пәтер кесілген аяқтан аққан қанмен ластанған. Әпкелермен профилактикалық әңгіме жүргізілді.
Бұған дейін Астанада тұрғын үй кешенінен ер адам мен әйел секіріп, қаза тапқаны хабарланған еді.
