Ауа райының нашарлауына байланысты Алматы әуежайының өндірістік қызметтері күшейтілген режимде жұмыс істеуде. Кейбір рейстер кешіктірілді, деп хабарлайды CMN.KZ
Әуежайдың баспасөз қызметі қардың түсуіне байланысты ұшақтарды мұздан тазарту қызметтерін ұсынуға шектеулер енгізілгенін атап өтті.
«Барлық қызметтер рейстердің кешігуін азайту және операциялардың қалыпты тәртібін қалпына келтіру үшін қажетті шараларды қолдана отырып, күшейтілген режимде жұмыс істеуде», – деп хабарлады Алматы халықаралық әуежайының корпоративтік коммуникациялар департаменті.
Ауа райының қолайсыздығына байланысты Алматыдан ұшатын келесі рейстер кешіктірілді:
- Ташкентке (Air Astana);
- Астанаға (үш Air Astana және бір Fly Arystan рейсі).
Жолаушыларға рейстердің ағымдағы статусын ұшар алдында әуежай мен әуекомпаниялардың ресми сайттарынан тексеру ұсынылады.
