Алдағы күндері Қазақстанның басым бөлігінде атмосфералық майдандардың өтуіне байланысты ауа райының тұрақсыз сипаты сақталады, найзағаймен жаңбыр күтілуде, деп хабарлайды CMN.KZ
«Қазгидромет» деректері бойынша 5 сәуірде еліміздің солтүстігінде, шығысында және орталығында жаңбыр мен қар түрінде жауын-шашын болады. Республиканың шығысында және оңтүстік-шығысындағы таулы аймақтарда жауын – шашын күтілуде, кейде қатты болады.
«6 және 7 сәуір күндері елдің батысында, солтүстік-батысында, орталығында, оңтүстігінде және оңтүстік-шығысында қатты жаңбыр болады деп болжануда», – деп хабарлады синоптиктер.
Жалпы Қазақстан бойынша тұман мен желдің күшеюі болжануда, 5 сәуірдің түнгі сағаттарында Қазақстанның солтүстігінде, шығысында және орталығында – көктайғақ.
Еліміздің батысында алдағы үш күндері түнгі температура 3-8-ден 5-12 градусқа дейін, күндіз +15+22 градусқа дейін көтеріледі деп күтілуде.
Оңтүстік-батыста температура түнде 5-10-дан 8-13-ке дейін өзгеруі мүмкін, күндіз термометрлердің бағандары +17+25-тен +12+20 градусқа дейін болады.
Солтүстік-батыста температура түнде -3+3 градустан +2+13-ке дейін көтеріледі, күндіз +13+20-дан +10+18-ге дейін аздап төмендеуі мүмкін.
Солтүстікте түнгі уақытта температура -5+3 градустан 0+7-ге дейін көтеріледі, күндіз +8+15-тен +13+20-ға дейін біртіндеп жылыну күтілуде.
Түнде елдің орталығында -5+2-ден +2+10 градусқа дейін шамалы көтерілу, күндіз термометрлердің бағандары +8+15-тен +10+20 градусқа дейін болады.
Шығыста түнгі температура +2+7-ден 1-8 аязға дейін төмендейді, ал күндіз уақытта +5+12 – ден +13+20-ға дейін көтерілуі мүмкін.
Оңтүстікте температура түнде +5+13-тен +10+17-ге дейін, күндіз +18+25-тен +17+28 градусқа дейін көтеріледі деп күтілуде.
Оңтүстік-шығыста түнде + 3 + 12 градус болады, күндіз +10+22-ден +15+28-ге дейін көтеріледі деп болжануда.
