Қазақстанда әлеуметтік желіде дінді күштеп таңатын псевдоимамдар мен басқа да қолданушылар жауапкершілікке тартылуы мүмкін, деп хабарлайды CMN.KZ
Бұл туралы мәдениет және ақпарат вице-министрі Қанат Ысқақов мәлімдеді.
Журналистер TikTok және өзге де желілерде адамдарды айыптап, мысалы, «қыздарға орамалсыз жүру харам» деп жария түрде пікір білдіретіндер жазалана ма деген сұрақ қойған.
Вице-министрдің айтуынша, мұндай әрекеттер қазірдің өзінде заң талаптарына қайшы келеді.
«Мұндай әрекеттерде құқықбұзушылық белгілері бар. Олар жауапкершілікке тартылады», – деді Ысқақов.
Оның сөзінше, бұл жағдайлар бірнеше бап бойынша қаралуы мүмкін. Атап айтқанда:
- жалған ақпарат тарату;
- әлеуметтік немесе діни алауыздықты қоздыру.
Құзырлы органдар мұндай контентке бақылауды күшейтіп жатқанын атап өтті.
CMN.KZ ресми Telegram арнасына жазылыңыз
