Оқу-ағарту министрлігі әлеуметтік желілерде тараған Қазақстандағы жекеменшік мектептерді жаппай жабу мүмкіндігі туралы қауесеттерге түсініктеме берді. Білім беру саласындағы сапаны қамтамасыз ету комитетінің төрағасы Серік Әшіров мұндай әңгімелерге негіз жоқ екенін мәлімдеді, деп хабарлайды CMN.KZ
Оның айтуынша, «Білім туралы» заң мектептерді меншік нысанына қарай бөлмейді – мемлекеттік те, жекеменшік те білім беру ұйымдары бірдей құқықтық алаңда жұмыс істейді.
«Жекеменшік мектептер де лицензияланады, мемлекеттік аттестациядан және бақылаудан мемлекеттік мектептермен бірдей талаптар мен ережелер бойынша өтеді. Бұл шаралар білім сапасын қамтамасыз етуге, оқушылардың қауіпсіздігін сақтауға және олардың құқықтарын қорғауға бағытталған», – деді Әшіров.
Ол жекеменшік мектептерді жабу мәселесі қарастырылып жатқан жоқ екенін атап өтті. Олардың қызметін тоқтату тек заңда тікелей көзделген жағдайларда ғана мүмкін – мысалы, анықталған заңбұзушылықтар жойылмаған жағдайда.
«Мұндай шешімдер тек заңда белгіленген тәртіппен қабылданады және меншік нысанына байланысты емес», – деп қосты министрлік өкілі.
Осылайша, жекеменшік мектептерді толық жабу туралы әңгімелердің жай ғана қауесет екені анық айтылды.
CMN.KZ ресми Telegram арнасына жазылыңыз
