Қазақстан Қорғаныс министрлігі басшысы Руслан Жақсылықовтың 2024 жылдың 5 желтоқсанына жоспарланған Оңтүстік Кореяға сапарының тоқтатылғанын түсіндірді, деп жазады CMN.KZ.
Ведомство мәліметінше, іс-шара кореялық тараптың бастамасымен өткізілмейтін болды.
«Жоспарланған сапар кореялық тараптың бастамасымен іс-шараның тоқтатылуына байланысты өткізілмеді», – деп хабарлады министрлік.
Оңтүстік Корея Ұлттық қорғаныс министрлігі ел ішіндегі күрделі жағдайларға байланысты іс-шараның өткізілмейтінін мәлімдеді.
3 желтоқсанда Оңтүстік Корея Президенті Юн Сок Ёль теледидар арқылы сөз сөйлеп, елде әскери жағдай енгізілетінін хабарлады. Оның айтуынша, бұл шешім елді "коммунистік күштердің" конституциялық тәртіпке қауіп төндіруінен қорғау үшін қабылданған. Алайда, парламент әскери жағдайды енгізуге қарсы дауыс беріп, шешім күшін жойды.
Еске сала кетейік, Оңтүстік Кореяның оппозициялық жетекші партиясы президент отставкаға кетпесе, импичмент процедурасын бастайтынын мәлімдеген болатын.
CMN.KZ ресми Telegram арнасына жазылыңыз
