Жамбыл облысында жол апатынан кейін көлік өртеніп, жас ана мен оның екі жасар ұлы қайғылы қаза тапты, деп хабарлайды CMN.KZ тілшісі.
Апат 2024 жылғы 24 қараша күні кешкі уақытта Жамбыл облысы, Жалпақсаз ауылының шетінде орын алды. Mercedes-Benz көлігінің 44 жастағы жүргізушісі рөлге ие бола алмай, жол жиегінде тұрған BMW-ге соғылған. Соққыдан BMW алға ұшып, алдында тұрған «ВАЗ 2114» көлігіне соқтығысқан.
Қайғылы апат салдарынан BMW көлігі толығымен өртеніп кеткен. Ішінде болған 23 жастағы жас ана мен оның екі жасар сәбиі оқиға орнында жан тапсырды.
«ВАЗ 2114» көлігінің жүргізушісі түрлі дене жарақаттарымен ауруханаға жеткізілді.
Mercedes-Benz көлігінің жүргізушісі оқиға орнында ұсталып, уақытша ұстау изоляторына қамалды. Тергеу амалдары басталды.
