Жамбыл облысында қарумен жұмыс істеу кезінде мерзімді әскери қызметші өлімге әкелген жарақат алған. Қайғылы жағдайды ҚР Қорғаныс министрлігі растады, деп хабарлайды CMN.KZ
Қаза тапқан сарбаздың туған-туыстары мен жақындарына көңіл айтып, оның отбасына барлық қажетті көмек пен қолдау көрсетілетінін мәлімдеді.
Аталған дерек бойынша ІІМ-нің әскери-тергеу органдары қылмыстық іс қозғады. Қазіргі уақытта болған оқиғаның себептері мен мән-жайын анықтау үшін сотқа дейінгі тергеу жүргізіліп жатыр.
Жағдай Қорғаныс министрінің жеке бақылауында. Оның тапсырмасымен оқиға орнына арнайы комиссия жіберілді. Комиссияны Қорғаныс министрінің орынбасары, генерал-майор Шайх-Хасан Жазықбаев басқарады.
Қорғаныс министрлігінде тергеу жан-жақты әрі объективті жүргізілетінін атап өтті.
CMN.KZ ресми Telegram арнасына жазылыңыз
