Астанада Қазақстан президенті Қасым-Жомарт Тоқаев пен Гвинея-Бисау басшысы Умару Сисоку Эмбалоның ресми кездесуі өтті, деп хабарлайды CMN.KZ.
Тоқаев Гвинея-Бисауды Африка құрлығындағы маңызды серіктес деп атап, екі ел арасындағы қарым-қатынасты нығайту қажеттігін айтты:
«Екіжақты байланыстарды тереңдетуге мүдделіміз. Ауыл шаруашылығы, кен өндіру, цифрландыру, көлік және логистика салаларында үлкен мүмкіндіктеріміз бар. Сондай-ақ БҰҰ мен Ислам ынтымақтастығы ұйымындағы ынтымақтастықты арттыруға дайынбыз», — деді Тоқаев.
Умару Сисоку Эмбало Қазақстанның білім беру саласындағы жетістіктерін ерекше атап өтті.
«Бұрын Қазақстанда Гвинея-Бисаудан келген көптеген студенттер, әсіресе техникалық мамандар білім алған. Бұл бағытты жалғастыруға ниеттіміз», — деді ол.
Кездесу барысында қос мемлекет басшылары халықаралық және аймақтық мәселелер жөнінде пікір алмасты.
