Қазақстанның Сыртқы істер министрлігі ел азаматтарына жағдай тұрақталғанға дейін Иранға сапардан уақытша бас тартуды ұсынды, деп хабарлайды CMN.KZ.
Ведомствоның мәлімдеуінше, Иран Ислам Республикасы төңірегіндегі ахуалдың шиеленісті болуына байланысты қазақстандықтарға бұл елге баруды кейінге қалдыру ұсынылады.
Қазір Иран аумағында жүрген азаматтарға мүмкіндігінше елден шығу ұсынылады. Ал кетуге мүмкіндігі жоқтарға сақ болу, жаңалықтарды қадағалау және жергілікті биліктің нұсқауларын орындау ескертілді.
Министрлік Таяу Шығыс елдеріне сапарлауға да мұқият қарау қажет екенін атап өтті, себебі аймақтағы жағдай тез өзгеруі мүмкін.
Ирандағы Қазақстанның дипломатиялық өкілдіктері штаттық режимде жұмысын жалғастырып жатыр. Азаматтар үшін байланыс желілері ашық.
Айта кетейік, соңғы уақытта Иран төңірегіндегі халықаралық шиеленіс пен ішкі наразылықтар туралы ақпараттар тараған болатын.
CMN.KZ ресми Telegram арнасына жазылыңыз
