Щучинск қаласындағы «Центр плова» кафесінде болған газ жарылысының құрбандарының саны 11 адамға жетті, деп хабарлайды CMN.KZ
Ақмола облысы денсаулық сақтау басқармасының басшысы Нариман Ермектің айтуынша, тағы екі зардап шеккен адам көз жұмған.
«Дәрігерлердің барлық күш-жігеріне қарамастан, Щучинскідегі жарылыстан ауыр жарақат алған тағы екі науқас қайтыс болды. 8 наурыз күні "Авиценна-Бурабай" стационарының жансақтау бөлімінде жатқан науқас көз жұмды, ал 9 наурызда Көкшетаудағы Ақмола облыстық көпсалалы ауруханасында ем алып жатқан науқас қайтыс болды», – деп келтіреді оның сөзін «Қазинформ» агенттігі.
Щучинскідегі «Центр плова» кафесінде жарылыс 26 ақпан күні кешке болған. Алғашында алты адамның қаза тапқаны хабарланған, бірақ бірнеше сағаттан кейін тағы бір зардап шеккен адам көз жұмды.
Келесі 11 күн ішінде тағы төрт адам қайтыс болды.
CMN.KZ ресми Telegram арнасына жазылыңыз
