Талғарда 16 жасар Шерзат Полатты өлтіру фактісі бойынша қылмыстық ісінің тергеу аяқталды. Бұл туралы жәбірленуші тараптың адвокаттары айтты, деп хабарлайды CMN.KZ
Ол туралы 2025 жылы 17 қаңтарда әлеуметтік желілерде адвокат Карина Көшербаева және оның әріптестері ресми хабарлама алғанын айтты.
«Бұл сотқа дейінгі тергеу аяқталғанын білдіреді. Біздің жұмысымыздың маңызды кезеңдерінің бірі артта қалды. Біз келесі маңызды кезеңге — қылмыстық іс материалдарымен танысуға көшеміз», — делінген хабарламада.
Естеріңізге сала кетейік, 3 қарашадан 4-не ауысқан түні ер адамдар ауызша жанжалдан кейін төбелесіп қалған. Төбелес барысында бір ер адам 16 жастағы Шерзат Болатты пышақтап жіберген. Жәбірленуші ауруханаға ауыр жағдайда жеткізілді. Дәрігерлер оны құтқаруға тырысқанымен, өмірін сақтап қала алмады.
Кейін марқұм Шерзат Болаттың үйі өртеніп, полиция отбасыны күзетке алған. Кісі өлтіру және өрт қою ісін ҚР Бас прокуратурасы жеке бақылауына алды. Қоғам белсенділері марқұмның отбасына қолдау көрсетті.
Осыдан кейін 18 қараша күні Алматы облысында прокуратураның жедел-іздестіру және тергеу басқармаларының басшылары қызметтерінен босатылды.
Бірақ ұлдың өлімі оның отбасы үшін жалғыз қалғы болған жоқ. 9 желтоқсан күні қайтыс болған жасөспірімнің 30 жастағы ағасы Нұрғанаттың денесі Талғардың шетінде табылды. Алдын ала деректер бойынша, марқұм өз-өзіне қол жұмсаған.
Үш күннен кейін Шерзаттың әкесі Каржаубай Нұрымовқа бөтен мүлікті бүлдірді деген күдік тағылды. Бұл туралы Facebook әлеуметтік желісінде отбасының адвокаты Асқар Қаймақов мәлімдеді.
