Президент Қасым-Жомарт Тоқаев ІІ Республикалық мәслихат депутаттарының форумында сөйлеген сөзінде әкімдерге қойылатын талаптардың жоғары болуы және олардың жұмысына сын көзбен қарау – демократиялық қоғам үшін қалыпты құбылыс екенін атап өтті. Алайда, мемлекет басшысы кейбір азаматтардың бұл шеңберден шығып кеткенін айтты, деп хабарлайды CMN.KZ.
«Кейбір адамдар өздерін блогер деп санап, әкімдердің әр қадамын аңдып, бақылауға алды. Бұдан да сорақысы – олардың арасында жұмысқа кедергі келтіріп, әкімдарға қоқан-лоққы көрсететіндер де бар», – деді Тоқаев.
Президент барша халықтың, соның ішінде ауыл, аудан, қала тұрғындарының жайлы өмір сүргісі келетіні түсінікті екенін, бірақ мұндай әрекеттердің қабылданбайтынын баса айтты.
Тоқаев әкімдердің халықпен диалог орната білуі, сындарлы пікір алмасу дағдыларының маңызды екенін атап өтті. Дегенмен, заң бұзу, артық эмоциялар мен ажиотаж жасауға жол берілмеуі керек.
«Ешкім заңды елемеуге тиіс емес. Мемлекет мүддесі түрлі популистердің жеке мүдделерінен жоғары болуы керек. Ерік-жігермен шешім қабылдау кезінде қоғамның сынынан қорықпау және жауапкершіліктен қашпау қажет. Әкімдіктер мен мәслихаттардың міндеті – мемлекеттік саясатты қатаң сақтау және оны жалпы мүдде үшін жүзеге асыру», – деп қорытындылады президент.
Тоқаевтың бұл мәлімдемесі елдегі сын мен пікір алмасудың заң шеңберінде болуын және мемлекеттік қызметкерлерге қысым жасалмауы қажеттігін айқындай түседі.
