Семейде жануарларға қатыгездік көрсетудің кезекті дерегі тіркелді. Абай тасжолында, әуежайдан Қарауыл кенті бағытына қарай шамамен үш шақырым жерде қораптар мен байланған қаптарға салынып, далаға тасталған 20-ға жуық мысық пен марғау табылды, деп хабарлайды CMN.KZ
Жануарлардың бір бөлігі жабық қораптардың ішінде, енді бір бөлігі тығыз қаптарға салынған. Алдын ала мәлімет бойынша, шамамен жеті мысықты аман алып қалу мүмкін болған, тағы 12-сі қаза тапқан. Қораптарды тапқан адамдар оларды ашып, тірі қалған жануарларды босатқан.
Ақпарат байланыс болмағандықтан «ОСА» қоғамдық бірлестігіне жеткізілген. Оқиға орнынан «Кафе Анита» деген жазуы бар халат та табылған. Алайда қоғамдық бірлестік өкілдері бұл заттың кімге тиесілі екені және оның оқиғаға қатысы бар-жоғы ресми тексеру барысында құқық қорғау органдары тарапынан анықталуы тиіс екенін атап өтті.
Қоғам белсенділері Абай облысының Полиция департаменті Қылмыстық кодекстің 316-бабы («Жануарларға қатыгездік көрсету, олардың қаза табуына әкеп соғу») бойынша тергеу жүргізеді деп үміттенеді.
Жарияланымда тірі қалған мысықтардың әлі де сол жерде екені және көмекке мұқтаж екені айтылған. Бейжай қарамайтын тұрғындардан жануарларды уақытша болса да қамқорлыққа алып, көмек көрсету сұралады.
CMN.KZ ресми Telegram арнасына жазылыңыз
