6 наурызда Қазақстанның тоғыз облысында аумақтық деңгейдегі құлақтандыру жүйесінің дайындығын тексеру үшін сиреналар естіледі, деп хабарлайды CMN.KZ
ҚР ТЖМ баспасөз қызметі 2025 жылы 6-7 наурыз аралығында еліміздің солтүстік, шығыс және орталық өңірлерінде «Көктем-2025» Республикалық командалық-штабтық оқу-жаттығуының екінші кезеңі өтетіні түсіндірді:
«Оқу үйлестіру және жетекшілік ету жөніндегі республикалық штаб Қостанайда орналасады. Оқу-жаттығу шеңберінде екі күн бойы Астана қаласында, Ақмола, Шығыс Қазақстан, Қостанай, Қарағанды, Павлодар, Солтүстік Қазақстан, Абай және Ұлытау облыстарында профилактикалық іс-шаралар кешені өткізіледі».
Сиреналарды іске қосу 6 наурызда сағат 11.00-де жоспарланған.
