Қазақстандықтардың күнделікті өміріне ЖИ енгізуге қатысты eGov mobile сауалнамаға қатысқан 15 мыңнан астам адам жұмысынан айырылып қалуы мүмкін деп алаңдайды, деп хабарлайды CMN.KZ
Қазақстанның цифрлық даму, инновациялар және аэроғарыш өнеркәсібі министрлігі 2025 жылы 3-9 наурызда eGov mobile мобильді қосымшасында өткен жасанды интеллектті (ЖИ) пайдалану туралы сауалнаманы қорытындылады.
Бір апталық сауалнамаға еліміздің 53 мыңнан астам қазақстандық қатысты. Нәтижелер халықтың жасанды интеллектті белсенді пайдаланып қана қоймай, сонымен қатар жаңа технологияларды оқытуға ұмтылатынын көрсетті.
«Респонденттердің 79% ЖИ-пен жұмыс істеу дағдыларын меңгеруге ниетті екенін білдіріп, бұл құралдың болашақтағы маңызды рөлін түсінетіндігін атап өтті. Сонымен қатар, 65% респонденттер күнделікті өмірде жасанды интеллектіні қолданса, қалған 35% оны кәсіби қызметте пайдаланады», – атап өтті министрлікте.
Сонымен қатар, респонденттердің 29% жасанды интеллектті енгізуге байланысты жұмыс орындарының қысқаруы мүмкін деп алаңдайды. 22% технология адамдарға күрделі тапсырмаларға назар аударуға мүмкіндік беретініне сенімді.
«ЖИ күнделікті тапсырмаларды алмастыра ала ма деген сұраққа 47% қатысушы адам бақылауының әлі де қажетті екенін атап өтті. Сауалнама азаматтардың цифрлық сауаттылығын да анықтады. Респонденттердің тек 22% ЖИ-ді жақсы меңгерсе, 43% оған жалпы мағлұматқа ие, бірақ оны сирек қолданады, ал 34% бұл технология туралы ештеңе білмейді», – делінген хабарламада.
Бұл ретте 30 жастан 45 жасқа дейінгі азаматтар дауыс беруде барынша белсенділік танытып, қатысушылардың жалпы санының 48% құрады.
Цифрлық даму, инновациялар және аэроғарыш өнеркәсібі Вице-министрі Ростислав Коняшкин қоғамның ЖИ жоғары қызығушылығы цифрлық оқыту үшін жаңа мүмкіндіктер ашатынын атап өтті:
«Біз қоғамның цифрлық дағдыларды үйренуге деген зор сұранысын көріп отырмыз және бұл даму үшін тамаша мүмкіндік. Министрлік Қазақстан азаматтарына жасанды интеллект технологияларын меңгеруге көмектесетін қолжетімді білім беру бағдарламаларын әзірлеу бойынша жұмысын жалғастырады».
Сауалнама нәтижелері өмірді ыңғайлы әрі тиімді ететін цифрлық шешімдерге қолжетімділікті кеңейтуге бағытталған жаңа бастамалардың негізі болады, деп атап өтті ол.
