Қазақстанда сот жүйесінің жаңа сатысы – кассациялық соттар өз жұмысын 2025 жылдың 1 шілдесінен бастайды. Олар қылмыстық, әкімшілік және азаматтық істерді қарайтын болады, деп хабарлайды CMN.KZ
ҚР Жоғарғы сотының хабарлауынша, елімізде елордада орналасқан үш кассациялық сот болады. Олардың аумақтық оқшаулануы судьялардың аймақтық элиталардың ықпалынан бостандығын қамтамасыз етеді.
Енді Қазақстандағы сот ісін жүргізу жүйесі мынадай инстанциялардан тұрады:
- Жоғарғы сот органы – Жоғарғы Сот;
- Кассациялық қылмыстық, азаматтық және әкімшілік соттар;
- Апелляциялық қылмыстық, азаматтық және әкімшілік соттар;
- Бірінші сатыдағы сот.
Іс жүргізуді кассацияға қабылдау үшін алдын ала қарау жойылады, яғни істер бірден кемінде үш судьяның алқалы құрамының қарауына түсетін болады.
«Сот процесі тараптардың міндетті қатысуымен ауызша өтеді. Мұндай модель Жоғарғы сотқа сот практикасының біркелкілігін қамтамасыз етуге назар аударуға мүмкіндік береді», – деп түсіндірді Жоғарғы соттың баспасөз қызметі.
Бұған дейін Қасым-Жомарт Тоқаев сот қызметкерлерін кәсіби мерекелерімен құттықтап, сот жүйесіндегі өзгерістер азаматтар мен бизнестің өз құқықтары мен заңды мүдделерін қорғау үшін институционалдық мүмкіндіктерін едәуір кеңейтетінін атап өтті.
