Елордалық полицияға 15 қабатты үйдің балконынан секірмек болған ер адам туралы хабарлама келіп түсті. Оқиға орнына келген полицейлер онымен байланыс орнатуда қиындықтарға тап болды, себебі қала тұрғыны саңырау әрі мылқау екен, деп хабарлайды CMN.KZ
Қауіпті сәтте учаскелік инспектор Рахметолла Нуров табандылық танытып, ер адамға жақындап, оны құтқарды.
Азамат жедел жәрдем бригадасына тапсырылды, ол қажетті психологиялық қолдау алды.
Бұған дейін Батыс Қазақстан облысының Ақсай қаласында болған қайғылы оқиға полицияның батылдығы арқасында болдырылмады. Алтыншы қабаттан секірмек болған жас қызды полицейлер құтқарып қалды.
