Тергеу «Некеге тұруға мәжбүрлеу» бабы бойынша жеке қылмыстық іс тіркеді. Бұл туралы марқұмның отбасының адвокаты хабарлады, деп жазады CMN.KZ
Аянхан Омаровтың айтуынша, қылмыстық іс Қазақстан Республикасы Қылмыстық кодексінің 125-1-бабы бойынша қозғалған. Оның сөзінше, іс ерекше бақылауға алынған, сондай-ақ қалаға Ішкі істер министрлігінен арнайы комиссия келген.
«Нұрай Серікбай ісі бойынша Қылмыстық кодекстің 125-1-бабы – некеге тұруға мәжбүрлеу бойынша қылмыстық іс тіркелді. Бүкіл елді дүр сілкіндірген бұл іс мемлекет басшысының тікелей бақылауында», – деп жазды адвокат.
Омаровтың мәліметінше, қазіргі уақытта ІІМ тарапынан арнайы комиссия жіберіліп, тәжірибелі полиция қызметкерлерінен құралған жедел-тергеу тобы құрылған.
«Бұл іс бойынша жан-жақты әрі толық тергеу қамтамасыз етілетініне, ал тергеу әділ әрі сапалы өтетініне сенімдімін», – деп жазды ол Threads желісіндегі жазбасында.
CMN.KZ ресми Telegram арнасына жазылыңыз
