Маңғыстау облысында ата-анасы жаңа туған ұлына ерекше есім берді – баланың аты Роналдо. Сәби атақты футболшы Криштиану Роналдудың құрметіне аталған, деп хабарлайды CMN.KZ
Бейнежазбадан байқалғандай, есім таңдау кездейсоқ емес: отбасы португалиялық шабуылшының жанкүйері әрі оны күш-жігердің, еңбекқорлық пен мақсатқа жетудегі табандылықтың үлгісі деп санайды. Ата-анасы осы қасиеттер баласына да дарысын деп тілейді – әзірге есімі арқылы болса да.
Бұл оқиға әлеуметтік желілерде тез тарап, қызу талқылауға себеп болды. Бірі ата-ананың батыл шешімін қолдаса, енді бірі әзілдеп, енді сәбиге атына сай әйгілі футболшы болу «міндет» деп жазды.
Баланың толық аты-жөні – Ұразалы Роналдо Мерейұлы.
CMN.KZ ресми Telegram арнасына жазылыңыз
