Қазақстанда әкімшілік амнистия дайындалып жатыр, бірақ ол барлық құқық бұзушыларға бірдей қолданылмайды, деп хабарлайды CMN.KZ
Бұл туралы Әділет вице-министрі Даниель Ваисов мәлімдеді.
Оның айтуынша, амнистия аясында айыппұлдар толық немесе ішінара есептен шығарылуы мүмкін, бірақ тек жеке тұлғаларға қатысты.
«Амнистия тек жеке тұлғалардың айыппұлдарына қатысты қарастырылады», – деді Ваисов.
Сонымен қатар нақты санаттар әлі бекітілмеген. Қазір заң жобасы ІІМ және Бас прокуратурамен бірлесіп пысықталып жатыр. Шешім қабылдау кезінде:
- құқық бұзушылықтың сипаты;
- айыппұл сомасы;
- қайталануы
ескеріледі.
«Бұл оңай мәселе емес – айыппұлдардың саны мен сипаты жан-жақты талданады», – деп түсіндірді вице-министр.
Бұдан бөлек, Қазақстанда қылмыстық істер бойынша да амнистия жоспарланып отыр. Алайда ол барлық азаматтарға қолданылмайды.
Амнистия келесі санаттарға қолданылмайды:
- ауыр және аса ауыр қылмыс жасағандар;
- терроризм, экстремизм және сыбайлас жемқорлыққа қатысы бар тұлғалар;
- жыныстық қолсұғушылыққа қатысты қылмыс жасағандар;
- қайталама қылмыс жасағандар (рецидивистер);
- іздеуде жүрген адамдар.
Осылайша, амнистия нақты шектеулермен енгізіледі және әр жағдай жеке қаралатын болады.
CMN.KZ ресми Telegram арнасына жазылыңыз
