Қазақстан мұсылмандары діни басқармасы дипфейк технологияларын қолданатындарды айыптады. ДУМК тек қана қоғамдық айыптаумен шектелмей, мұндай технологияларды жасауға және пайдалануға тыйым салатын арнайы фәтуа жариялады, деп хабарлайды CMN.KZ.
Басқарма мәліметінше, дипфейк – жасанды интеллект көмегімен жасалатын фото, аудио және бейнематериалдарды шынайы етіп қолдан жасау технологиясы.
«Ислам ғылым мен техниканың дамуына тыйым салмайды. Алайда бұл даму адамға пайда әкелуі, әділетті әрі ізгі мақсатта қолданылуы және шариғат талаптарына сай болуы тиіс. Жаман ниет көзделмеген технологияларға рұқсат етіледі», – деп атап өтті ҚМДБ.
Сонымен қатар басқарма дипфейктерді жалған ақпарат тарату мақсатында пайдалануға шариғат тұрғысынан қатаң тыйым салынатынын мәлімдеді. Мұндай әрекеттер ел ішіндегі тыныштықты бұзып, қоғамда алауыздық тудыруы мүмкін екені ескертілді.
CMN.KZ ресми Telegram арнасына жазылыңыз
