"Қазгидромет" су тасқыны қаупі бар өңірлерді атады

Бағалау кезінде мамандар күзгі және қысқы кезеңде түскен қар мен жауын-шашын көлемін, жердің қату тереңдігін, сондай-ақ ақпан–наурыз айларына арналған ауа райы болжамын ескерген. Көктемгі жылыну қардың тез еруіне әсер етуі мүмкін.

«Жекелеген биік таулы аймақтарда жауын-шашын мөлшері 150 мм-ден асып, топырақтың шамадан тыс ылғалданғанын көрсетті. Басқа өңірлерде ылғал мөлшері нормаға жақын немесе төмен, ең аз көрсеткіштер 25 мм-ден кем. Топырақтың қату тереңдігі кей жерлерде 127–160 см-ге дейін жетеді, ал басқа аумақтарда шамамен 128–140 см», – деп хабарлады “Қазгидромет”.

Осы деректердің негізінде синоптиктер су тасқыны қаупі бойынша үш тәуекел тобын анықтады.

Жоғары қауіп

• Ақмола облысы;

• Солтүстік Қазақстан облысы;

• Қарағанды облысы;

• Шығыс Қазақстан облысы;

• Абай облысы.

Орташа қауіп

• Қостанай облысы;

• Павлодар облысы;

• Батыс Қазақстан облысы;

• Ақтөбе облысы;

• Түркістан облысы;

• Алматы облысы;

• Ұлытау облысы;

• Жетісу облысы.

Төмен қауіп

• Атырау облысы;

• Маңғыстау облысы;

• Қызылорда облысы;

• Жамбыл облысы.

Мамандардың айтуынша, бұл болжам алдын ала жасалған. Көрсеткіштер көктем жақындаған сайын, қардың еру жылдамдығы мен өзендердегі су деңгейі айқын болған кезде нақтыланады.