Қазақстанда жаңа тренд: жалға берілетін пәтерлер арзандап жатыр

Жылжымайтын мүлік сарапшыларының айтуынша, бұл тренд 2025 жылдың қаңтар айынан бастап қалыптаса бастаған. Мамандар дерегіне сүйенсек, жыл басынан бергі үш айда 19 қаланың 9-ында жалдау ақысы төмендеген.

Ең айқын төмендеу:

• Қостанайда – орта есеппен 5,1%;
• Алматы мен Шымкентте – шамамен 4%;
• Павлодарда – 3,5%.

Сонымен қатар бірқатар қалаларда баға шамамен 2%-ға арзандаған:

• Астана
• Атырау
• Орал
• Көкшетау
• Тараз

Ал кей қалаларда керісінше, баға 1–1,7% аралығында өскен:

• Ақтау
• Ақтөбе
• Қарағанды
• Өскемен
• Талдықорған

Бағалар өзгеріссіз қалған қалалар:

• Петропавл
• Қонаев
• Семей
• Түркістан
• Қызылорда

Жалпы алғанда, Қазақстан бойынша жалға берілетін тұрғын үйдің орташа құны бір шаршы метрге 3389 теңгені құрайды.

Сарапшылардың пікірінше, бұл үрдіс нарықтағы сұраныс пен ұсыныстың өзгеруіне байланысты қалыптасып отыр.