Қазақстанда шамамен 695 мың адам тұрақты түрде бәс тігеді

Қаржы министрлігінің мәліметінше, бір жылдан астам уақыт ішінде:

• бәс тігудің жалпы сомасы – 1,6 трлн теңге;

• ұтыс ретінде төленген қаражат – шамамен 1,2 трлн теңге;

• қаражаттың 25%-ға жуығы букмекерлік ұйымдардың еншісінде қалған.

Осылайша, ойыншыларға қайтарым деңгейі шамамен 75%-ды құрайды, ал қалған бөлігі букмекерлердің табысы болып отыр.

Вице-министрдің айтуынша, соңғы уақытта белсенділіктің төмендеуі байқалады және бұл заңнамадағы өзгерістермен тікелей байланысты.

«Сома заңға енгізілген өзгерістерге байланысты азайды. Бірқатар тыйымдар енгізілді, соның салдарынан қазір әрі жарналардың көлемі, әрі операциялардың жалпы саны төмендеді», – деді ол.

Сондай-ақ жүйе бәс тігу мен құмар ойындар нарығындағы белсенділікті нақты уақыт режимінде тіркеп отырады.

«Қазіргі таңда шамамен 695 мың қазақстандық тұрақты түрде бәс тігетінін көріп отырмыз. Егер шартты түрде 10 миллион экономикалық белсенді халықты алсақ, бұл шамамен 20% адам», – деп атап өтті Ержан Біржанов.

Мемлекет нақты нені көріп отыр?

Таныстырылымда көрсетілген скриншоттарға сәйкес, Smart Data Finance жүйесі мына деректерді жинақтауға мүмкіндік береді:

• барлық букмекерлік ұйымдар бойынша мәліметтер;

• операциялар мен ойыншылар саны;

• бәс тігулер мен ұтыстардың орташа сомасы;

• кезеңдер бойынша динамика.