Геннадий Головкин Instagram сторисінде Криштиану Роналдумен кездескен сәтінен видео жариялады. Аңызға айналған екі спортшының кадрлары әлеуметтік желілерде тез тарады, деп хабарлайды CMN.KZ
Видеода Головкин мен Роналду еркін әрі достық жағдайда әңгімелеседі. Футболшы қазақстандық боксшыны жылы қарсы алып:
«Сені көргеніме қуаныштымын, бауырым», – дейді. Кейін ол Головкиннің қазіргі жоспарларын сұрап, рингке қайта оралу ойы бар-жоғын біледі.
GGG келесі жылы тағы бір жекпе-жек өткізуі мүмкін екенін жоққа шығармады. Жасы 43-ке келгеніне қарамастан, ол мансабын ресми түрде аяқтағанын жариялаған жоқ және қызықты ұсыныс болса, рингке қайта шығуға дайын екенін бірнеше рет айтқан.
Әңгіме соңында Роналду Головкинді Жаңа жылмен құттықтап, бар жақсылықты тіледі.
CMN.KZ ресми Telegram арнасына жазылыңыз
