Қазақстандық әнші Димаш Құдайберген Instagram парақшасында Халықаралық әйелдер күніне орай құттықтау жариялады. Алайда кейбір жанкүйерлер бұл жазбаға көңілі толмай қалған, деп хабарлайды CMN.KZ
«Сіздердің мейірімдеріңіз, махаббаттарыңыз, даналықтарыңыз бен қамқорлықтарыңыз әр үйге жылу, үйлесім және бақыт сыйлайды. Әр отбасына қуаныш, сүйіспеншілік пен игілік әкелгендеріңіз үшін шынайы алғысымды білдіремін. Сіздерге зор денсаулық, бақыт, шабыт тілеймін. Жүздеріңізден күлкі кетпесін. Көктемнің жылы лебі өмірлеріңізді қуаныш пен жарқын сәттерге толтырсын», – деп жазды Димаш.
Жарияланым екі сағаттың ішінде 5,4 мыңнан астам лайк жинап, көптеген пікірге ие болды.
Дегенмен пікірлердің бір бөлігі сынға толы болды. Әлемнің әр түкпіріндегі жанкүйерлер әншінің құттықтауды жай ғана ашықхатпен жариялағанына өкпе білдірді. Олар видео немесе кем дегенде әншінің селфи суреті болғанын қалағандарын жазған.
CMN.KZ ресми Telegram арнасына жазылыңыз
