Сотталғандардың апелляциялық шағымдары 2025 жылғы 26 қарашада Алматы қалалық сотында қаралды, деп хабарлайды CMN.KZ
Процесс жабық режимде өтті. Нәтижесінде қылмыстық істер жөніндегі сот алқасы Арман Жұмагелдиевке (Дикий Арман) және басқа сотталғандарға үкімді өзгеріссіз қалдырды.
Бұған дейін бірінші сатыдағы сот істің қатысушыларына келесі жазаларды тағайындаған болатын:
- Арман Жұмагелдиев – 20 жыл бас бостандығынан айыру;
- Руслан Ысқақов – 15 жыл 6 ай бас бостандығынан айыру;
- Қайрат Құдайберген – 8 жыл бас бостандығынан айыру.
Дикий Арман 2022 жылы Алматыда қаңтар оқиғалары туралы іс бойынша ұсталды. Сондай-ақ, полицияда Жұмагелдиевтің тобына қатысуға күдікті тағы бес адам болды.
2025 жылдың қаңтарында ол 20 жылға бас бостандығынан айырылды. Сот Жұмагелдиевті қылмыстық топ құруға, тәртіпсіздіктерді ұйымдастыруға және қатысуға, сондай-ақ 24 адамды ұрлауға және заңсыз бас бостандығынан айыруға кінәлі деп тапты.
