Қазақстан құрамасы FIFA Series-2026 турнирінде Дастан Сәтпаевсыз ойнайды, деп хабарлайды CMN.KZ
«Қайраттың» шабуылшысы денсаулығына байланысты ұлттық құраманың сапына қосыла алмайды. Бұл туралы бас бапкер Талғат Байсуфинов мәлімдеді.
«Біз “Челси” клубының медициналық штабының Сәтпаевтың қазіргі жағдайы туралы ұсынымын алдық. Онда наурыздағы халықаралық үзіліс кезінде ойыншы толық қалпына келу курсынан өтуі қажет екені айтылған», – деді жаттықтырушы.
Сәтпаевтың орнына Қазақстан құрамасына Оралхан Өміртаев шақырылды.
Байсуфиновтың айтуынша, бұл ойыншы қазір жақсы физикалық формада және қойылған міндеттерді орындауға дайын.
Айта кетейік, халықаралық FIFA Series 2026 турнирі Қазақстан астанасында өтеді. Ұлттық құрама алғашқы ойынын 25 наурыз күні Намибияға қарсы «Астана Аренада» өткізеді.
CMN.KZ ресми Telegram арнасына жазылыңыз
