Автор: admin

Семей қаласының жаңа әкімі болып Талғат Мұратов тағайындалды. Ол бұл қызметте 2022 жылдың қазанынан бері әкім болған Нұрбол Нұрсағатовты алмастырды, деп хабарлайды CMN.KZ. Бұрынғы әкім Нұрбол Нұрсағатов әлеуметтік желілерде тұрғындармен жылы қоштасып, өзінің жұмысын көрсеткен бейнеролик жариялады. «Мен әрдайым тұрғындарға ашық болдым және осы күрделі жұмыста маған қолдау білдіргендерге шын жүректен алғыс айтамын. Біз кездескен мәселелерге түсіністікпен қарағандарыңыз үшін рахмет», – деп жазды Нұрсағатов. Сондай-ақ, ол әріптестеріне, әкімдік қызметкерлеріне және барлық қалалық қызметтерге, сондай-ақ ел басшылығына және Абай облысының әкімі Нұрлан Ұранхаевқа алғыс айтты. Семейдің жаңа әкімі Талғат Мұратов бұған дейін Абай облысы Бесқарағай ауданының әкімі қызметін атқарған. Ол 1972…

Бүгін кезектен тыс XXVII сайлау конференциясында Қазақстан футбол федерациясының (ҚФФ) жаңа президенті болып Марат Омаров сайланды, деп хабарлайды CMN.KZ. Танымал футболшы, елдің үш дүркін чемпионы Давид Лория жаңа басшыны әлеуметтік желіде құттықтады. «Марат Омаровты ҚФФ президенті лауазымына сайлануымен шын жүректен құттықтаймын! Жаңа басшының футболымызды жақсартуға бағытталған үлкен жоспарлары бар екеніне сенімдімін. Біз барлығымыз оның табысқа жетуіне мүдделіміз», – деп жазды Лория. Марат Омаров кім? 1988 жылы дүниеге келген Омаров 2010 жылы «Болашақ» бағдарламасы аясында Ұлыбританияның Йорк университетін «философия, саясаттану және экономика» мамандығы бойынша тәмамдаған. Ал 2011 жылы Лондон экономика және саяси ғылымдар мектебінде (LSE) әлеуметтік ғылымдар магистрі дәрежесін алған. Оның…

Алматы әуежайының Т1 терминалы пандусында Lexus көлігі отқа оранды. Құрбандар мен зардап шеккендер жоқ, деп хабарлайды CMN.KZ. Оқиға 20 желтоқсан күні күндіз тіркелген. Әуежай баспасөз қызметінің мәліметінше, өрттің алдын ала себебі — электр сымдарының қысқа тұйықталуы. «Өрт сөндіру тобы мен Түрксіб аудандық өрт сөндіру қызметі дереу оқиға орнына жетіп, жалынды ауыздықтады. Жапа шеккендер жоқ. Әуежай штаттық режимде жұмыс істеп жатыр», — деп хабарлады баспасөз қызметі. Қалалық ТЖД өкілдерінің айтуынша, өрт көліктің қозғалтқыш бөлігінен шыққан. Оқиға орнына келгенше өрт сөндірілді.

Ұлттық қауіпсіздік комитетінің бұрынғы төрағасы, мемлекетке сатқындық жасады деп сотталған Кәрім Мәсімов қазір де тергеу изоляторында отыр, деп хабарлайды CMN.KZ. Редакцияның ресми сауалына ҰҚК берген жауабында, Мәсімовтің елордадағы комитеттің тергеу изоляторында екенін растады. Оған қатысты Қылмыстық кодекстің екі бабы бойынша сотқа дейінгі тергеу жүріп жатыр: Естеріңізге сала кетейік, 2023 жылдың сәуірінде Астана соты Мәсімовті қаңтар оқиғасы кезінде билікті күшпен басып алу әрекеті, мемлекетке сатқындық және қызметтік өкілеттілікті асыра пайдалану бойынша 18 жылға бас бостандығынан айыруға үкім шығарған еді. 2024 жылдың маусымында Мәсімов президент Қасым-Жомарт Тоқаевтың атына рақымшылық сұрау туралы өтініш жолдаған болатын. Алайда 28 маусымда президент жанындағы рақымшылық комиссиясы бұл…

Астанада кәмелетке толмаған қыздың зорланғаны туралы ақпаратты Ішкі істер министрлігі растады. Ведомствода жыныстық сипаттағы зорлық-зомбылық фактісі бойынша қылмыстық іс қозғалғанын атап өтті, деп хабарлайды CMN.KZ. «Қылмыстық құқық бұзушылық жасады деген күдікпен оқуда жүрген Қорғаныс министрлігінің Ақмола гарнизонының әскери қызметкері ұсталып, сот санкциясымен қамауға алынды. Тергеу жалғасуда», — делінген хабарламада. Бұқаралық ақпарат құралдарының хабарлауынша, қыз сегіз жаста, оқиғаның өзі астаналық ауруханалардың бірінде болған.

5 желтоқсан күні Маңғыстау облысы әкімдігі ғимаратының алдында өзін өртеген ер адам ауруханада көз жұмды. Ол әкіммен кездесу мүмкіндігі болмаған соң осындай қадамға барған, деп хабарлайды CMN.KZ. 18 желтоқсан таңертең ер адамның қазасы туралы ақпарат жарияланды. Алайда Маңғыстау облысының денсаулық сақтау басқармасы мен аурухана бұл жағдайға қатысты түсініктеме бермеді. 5 желтоқсан күні ер адам әкімдік ғимаратынан шығып, өзіне жанғыш сұйықтықты құйып, от қойған. Оқиға алдында оған азаматтарды жеке мәселелер бойынша қабылдау жүргізілмейтіні айтылып, белгіленген кесте бойынша келу ұсынылған. Оны бірден реанимацияға жеткізген. 16 желтоқсанда дәрігерлер оның жағдайын ауыр деп бағалаған болатын. Қазіргі уақытта полиция «Өзін-өзі өлтіруге жеткізу» бабы бойынша іс…