Автор: admin

2024 жылдың 4 қазанында Сидней қаласында Қазақстанның мақтанышы Жәнібек Әлімханұлы мен Жаңа Зеландиядан келген Андрей Михайлович арасында үлкен жекпе-жек өтті, деп хабарлайды CMN.KZ. Алғашқы раундта Әлімханұлы қарсыласын барлап, екінші раундта-ақ нокаутқа жібере жаздады. Дегенмен, гонг оны тоқтатып үлгерді. Михайлович барынша қарсылық көрсеткенімен, Жәнібек әр соққысымен үстемдігін арттыра түсті. Сегіз раунд бойы шыдаған Андрей, ақыры тоғызыншы раундта тағы бір мәрте нокаутқа түсіп, төреші жекпе-жекті тоқтатты. Жәнібек IBF чемпионы титулын қорғап, өзінің 16-шы жеңісіне қол жеткізді. Бұл жеңіс жанкүйерлерге мақтаныш сыйлады. Алайда, жекпе-жектің басында Қазақстанның ескі әнұраны қойылғаны Жәнібек пен оның командасының көңіліне қаяу түсірді. Еске сала кетсек, бұл кездесу жазда Лас-Вегаста…

Алматы облысының Үлкен ауылы бір кездері Қазақстан картасында үлкен жоба ретінде пайда болғанымен, тағдыры талай тартысты кезеңдерді бастан кешірді. 1984 жылы Оңтүстік Қазақстан ГРЭС-ін салу мақсатында құрылған бұл ауыл, Кеңес Одағы ыдырағаннан кейін жартылай босап қалды. Тұрғын үйлер, мектептер мен әлеуметтік нысандар салынғанымен, жоба аяқсыз қалды. Жұмыссыздық ауылды меңдеп, халық үдере көшті. CMN.KZ түсірілім тобы Алматы облысындағы Үлкен ауылына барып, тұрғындардың қазіргі күйін, тіршілігін көріп қайтты. 2008 жылы Балқаш жылу электр станциясын салу туралы шешім қабылданып, 2013 жылы құрылыстың алғашқы кезеңдері басталды. Алайда, 2016 жылы бұл жоба да тоқтатылды. Ауылдың үміті тағы да үзілді. 2022 жылы Үлкеннің атауы қайта көтерілді:…

4 қазанға қараған түні Талғар қаласының көшелерінде айқай-шу естілді. Жас жігіттердің арасында туындаған кикілжің оқ атуға ұласып, екі жігіттің өмірін талқандады, деп хабарлайды CMN.KZ. Алматы облысы полиция департаментінің ақпараты бойынша, екеуі аудандық ауруханаға ауыр жарақаттармен жеткізілді, өкінішке қарай, біреуі жан сақтау бөлімінде көз жұмды. Қанды оқиғаға байланысты полиция кісі өлтіру ісін қозғады, жанжалға қатысқан барлық азаматтар уақытша ұстау изоляторына қамалды. Құқық қорғау органдары оқиғаның барлық қатысушыларын қолға түсіріп, тергеу амалдарын жүргізуде. Жанжалдың себебі мен оның қалай басталғаны анықталып жатыр. Тергеу шараларының ішінде оқиға куәгерлерінің сөздері тыңдалып, барлық қатысушыларға қатысты мәліметтер жинақталуда. Алайда, тергеу мүддесі үшін істің толық жай-жапсары жарияланбайды.

2022 жылдың жазында Ресейде тыйым салынған әртістер тізімі туралы алғашқы мәліметтер шыққанымен, ресми билік оның бар екенін мойындамаған еді, деп хабарлайды CMN.KZ. Жуырда «Вёрстка» басылымы жаңартылған қара тізімді жариялап, оған қазақстандық музыканттар Скриптонит пен Jah Khalib те енгенін мәлімдеді. Тізімде соғысқа қарсы шыққандар мен Путинді қолдаушылар қатарынан 79 әртіс бар. Мұндай тізімнің болуын Кремль жоққа шығарып отыр. Дегенмен, ресми шаралар мен концерт ұйымдастырушылары бұл тізімді назарда ұстап, тыйым салынған әртістермен жұмыс жасаудан бас тартып жатыр. Скриптонит пен Jah Khalib бұған дейін де Қазақстанда сынға ұшыраған. 2024 жылы Скриптонит әйелдер құқығы мен балалардың қауіпсіздігін қорғауға қатысты заң жобасына пікір білдіріп, сынға…

Шымкентте «Пайызсыз Баспана» қаржы пирамидасының ұйымдастырушылары сотталды, деп хабарлайды CMN.KZ. Шымкент прокуратурасы хабарлағандай, «Пайызсыз Баспана» қаржылық пирамидасын құрған және басқарған басшыларға қатысты сот үкімі шықты. Қаланың қылмыстық істер жөніндегі ауданаралық сотының шешімімен ұйымның басшысы мен қызметкерлері 3 жылдан 6 жылға дейін бас бостандығынан айырылды. Тергеу барысында анықталғандай, 2019-2021 жылдары сотталушылар Шымкент, Алматы және Астана қалаларында әлеуметтік желілер арқылы азаматтарды төмен бағамен баспана алуға қызықтырып, ақша салымшыларын тартқан. Жиналған қаражатты олар өз қажеттіліктеріне жұмсап, жылжымалы және жылжымайтын мүліктер сатып алған. Нәтижесінде 134 адамға 171 миллион теңгеден астам зиян келтірілгені белгілі болды. Сот үкімі әлі заңды күшіне енген жоқ.

Петропавл қаласында жантүршігерлік оқиға орын алды. Бір әйел өз үйінде жұмбақ жағдайда өлі күйінде табылды, деп хабарлайды CMN.KZ. Полиция мәліметінше, ол қатігездікпен өлтірілген. Бұл қайғылы жағдайға қатысты толық ақпарат әлі айтылған жоқ. Көршілер ешқандай күдікті дыбыстарды естімеген, бұл оқиғаны одан сайын құпияға толы етеді. Құқық қорғаушылар бірнеше нұсқаны қарастырып, тергеу жүргізіп жатыр. Бұл қылмыстың себептері мен кінәлі кім екені әлі белгісіз.