Автор: admin

Ақмола облысының Бурабай ауданында полиция қызметкерлері заңсыз аңшылық жасағандарды құрықтады. Күдіктілер мінген көліктен екі бөкеннің сойылған денесі мен аңшылық құралдары табылды, деп хабарлайды CMN.KZ. 28 желтоқсан күні Астана-Петропавл тас жолында полиция «УАЗ Патриот» көлігін тоқтатып, тексеріс жүргізді. Рөлде Щучинск қаласының тұрғыны болған. «Көліктің жүксалғышынан екі бөкеннің сойылған денесі, үш қару, пышақтар, балта және аңшылыққа арналған басқа да құралдар табылды», – деді Ақмола облыстық полиция департаментінің өкілдері. Тексеру барысында күдіктілердің ұлттық парктің аумағында заңсыз аңшылықпен айналысқаны анықталды. Бұл дерекке қатысты Қылмыстық кодекстің баптары бойынша іс қозғалып, тергеу амалдары басталды.

Жамбыл облысында 26 желтоқсанда «ҚазАвтоЖол» жергілікті филиалы басшысының орынбасары, «ДорСтрой» мердігер ұйымының жоба жетекшісі және «Алматы Сапа Инжиниринг» техникалық қадағалау сарапшысы сотталды, деп хабарлайды CMN.KZ. Олар 296 миллион теңгеден астам бюджет қаражатын ұрлады деп айыпталды. Қаражат Қазақстан мен Қырғызстан шекарасындағы «Қордай» өткізу пунктін салу, кеңейту және жаңғыртуға бөлінген болатын. Антикордың мәліметінше, айыпталушылар жұмыстың орындалмаған актілеріне қол қою, бірдей жұмыстар үшін қосарланған төлем жасау, бағаны көтеру және жабдықтарды жеткізбеу арқылы қаражатты жымқырған. Сот үкімі заңды күшіне енген жоқ.

Ақтауда апатқа ұшыраған ұшақтың өндірушісі Embraer компаниясының өкілдері Қазақстанға келіп жетті, деп хабарлайды CMN.KZ. Қазақстанның Көлік министрлігінің баспасөз қызметі хабарлағандай, Embraer өкілдері тергеу комиссиясымен бірге әуе апаты болған жерде алдағы жұмыстарды анықтау мақсатында бірлескен шаралар ұйымдастырды. Бразилияның авиациялық оқиғаларды зерттеу және алдын алу орталығы (CENIPA) қызметкерлері де таяу күндері Қазақстанға келеді деп күтілуде. Еске салсақ, 25 желтоқсан күні Азербайжан әуе жолдарына тиесілі Embraer ұшағы Ақтау маңында апатқа ұшырады. Қайғылы оқиға салдарынан 38 адам көз жұмып, 29 жолаушы аман қалды. 27 желтоқсан күнгі жағдай бойынша алты адам ауруханада ем алуда.

Қазақстандық интернет кеңістігінде Қазақстанның тұңғыш президентінің жұбайы Сара Назарбаеваның қайтыс болғаны туралы қауесет тарады. Бұл ақпаратты Нүрсүлтан Назарбаевтың баспасөз хатшысы Айдос Үкібай жоққа шығарды, деп хабарлайды CMN.KZ. «Журналистердің Сара Алпысқызына қатысты сұрақтарына жауап ретінде желіде тараған оның қайтыс болғаны туралы ақпарат шындыққа жанаспайтынын ресми түрде мәлімдеймін», — деп жазды Үкібай X әлеуметтік желісіндегі парақшасында. Қазіргі таңда Сара Назарбаева 83 жаста. Ол 1941 жылдың 12 ақпанында Қарағанды облысындағы Қызылжар ауылында дүниеге келген. 1962 жылы болашақ президент Нұрсұлтан Назарбаевпен отау құрды. Олар Қарағанды металлургия зауытының цехында жұмыс істеп жүріп танысқан. Ол кезде Нұрсұлтан Әбішұлы зауыт пешінде қызмет етсе, Сара Алпысқызы электрлік қосалқы…

Astana LRT-нің бұрынғы басшысы Талғат Ардан, 2023 жылдың қарашасында тоғыз жылға сотталған соң, апелляциялық шағым түсірді, деп хабарлайды CMN.KZ. Алайда, 25 желтоқсанда Астана сотының апелляциялық алқасы үкімді өзгеріссіз қалдырды. «Кінәсі куәгерлердің айғақтары, сараптама қорытындылары мен өзге де дәлелдермен толық расталды,» – деді сот өкілдері. Бұл Арданға қатысты екінші үкім: 2023 жылы ол бюджет қаражатын талан-таражға салғаны үшін жеті жылға сотталған еді. Екі үкім біріктіріліп, оған жалпы 85 млрд теңгені City Transportation Systems-ке қайтару міндеттелді. Іс материалдарына сүйенсек, 2016 жылы Ардан Қытайдың Мемлекеттік Даму Банкінен 257,6 млн доллар транш сұратып, оны мақсатты пайдаланбаған. Нәтижесінде City Transportation Systems-ке 85 млрд теңге көлемінде…

Қазақстан мұсылмандарының рухани көшбасшысы Наурызбай қажы Тағанұлы екінші рет Бас мүфти болып сайланды. Бұл туралы 26 желтоқсан күні Астанада өткен X құрылтайда мәлімделді, деп хабарлайды CMN.KZ. Құрылтай барысында 300-ге жуық делегат Наурызбай қажы Тағанұлының кандидатурасын бірауыздан қолдады. «Сенімдеріңізді ақтау үшін барымды саламын. Алда бізді маңызды шаралар күтуде. Мәселен, 2025 жылы Қазақстан мұсылмандары діни басқармасының дербес мүфтият ретінде құрылғанына 35 жыл толады. Осы мерейтой аясында баршаңызды бірлесіп, жоспарланған игі істерге белсенді қатысуға шақырамын», – деді Бас мүфти. Айта кетейік, Наурызбай қажы Тағанұлы 2020 жылдың 7 ақпанында алғаш рет Бас мүфти болып сайланған болатын. Бұл жолы ол осы мәртебелі лауазымға екінші рет…