Алматыда 399 бұрынғы «қараңғы» учаскелерінде 109,2 км жаңа жарықтандыру желілері орнатылады, деп хабарлайды CMN.KZ
Бұл туралы қаланың әкімі Ерболат Досаевтың 2025 жылғы 1-30 сәуір аралығындағы кезеңдегі мемлекет басшысы Қасым-Жомарт Тоқаевқа берген есебінде айтылған.
«Алматыда сыртқы жарықтандыру сапасын арттыру мақсатында 84 жарықсыз учаскеде 16 км жаңа желі құрылысы басталды. 2025 жылы 25 сәуірде 255 учаскеде 93,2 км жарық желілерін салуға байқау жарияланды», – делінген хабарламада.
Қаладағы 7 магистральды көшеде 19,6 км жарық желісі жаңартылып, 400 жаңа шам орнатылып, 1,1 мың шам ауыстырылды. Олардың қуаты екі есеге артты.
«Сондай-ақ жарықтандыру сапасын арттыру үшін жаңартуды қажет ететін 1 100 басқару шкафының 320-сы жаңартылды. Биыл бұл көрсеткіш 70%-ға жетпек. Бұл жүйенің сенімділігі мен жеделдігін едәуір арттырады», – делінген есепте.
2025 жылдың басынан бастап жарықтандыру үш сәндік-сәулеттік көрнекті нысанға орнатылды. Олар:
- Республика алаңындағы екі ғимарат;
- ҚР ҚК Әскери-тарихи мұражайында.
2024 жылы мұндай жұмыстар 25 нысанда орындалды.
Айта кетейік, 2023 жылдың тамызында Алматыда өткен кеңесте Тоқаев қаланы 2025 жылдың соңына дейін толық жарықтандыруды тапсырған. Бұл тапсырманы орындау үшін 2024 жылдың қаңтарынан бастап «Алматы Қала Жарық» кәсіпорны қала әкімдігімен бірлесіп жұмыс жүргізіп келеді. Былтыр жарықтандыру деңгейі 85% жетсе, биыл бұл көрсеткіш 100% жуықтайды деп жоспарланған.
