Алматы Қазақстанда алғаш болып жерлеу орындарының электронды базасын іске қосты, деп хабарлайды CMN.KZ.
Сервис orynai.kz платформасында қолжетімді. Ол жерлеу орындары туралы мәлімет алуды және жаңа учаске рәсімдеуді барынша ашық, ыңғайлы әрі қолжетімді етуге бағытталған.
Қала әкімдігінің түсіндіруінше, платформа зираттармен байланысты негізгі процестерді цифрлық форматқа көшіреді. Тұрғындар алдын ала ақпарат алып, өтінім беріп, жер телімін рәсімдеуді жоспарлай алады. Бұл уақытты үнемдеп, рәсімдерді жеңілдетеді.
Платформаның мүмкіндіктері:
-
бос учаскелерді көру және брондау;
-
жерлеу орындарын іздеу;
-
геодеректер арқылы навигация;
-
қайта жерлеуге өтінім беру;
-
ритуалдық тауарлар мен қызметтер каталогы.
Сонымен қатар, сайт пен мобильді қосымшада анықтамалық ақпарат, тәулік бойы онлайн-кеңес беру қызметі және өтінім мәртебесі туралы хабарламалар жүйесі қарастырылған.
Болашақта платформада «естелік ағашын» жасау қызметі іске қосылады. Бұл туыстардың жерлеу орындарын цифрландырып, абаттандыру мен күтім қызметтерін тексерілген ритуалдық компаниялар арқылы тапсырыс беруге мүмкіндік береді.
Электронды базаға Алматыдағы барлық қолданыстағы зираттар енгізілген: Айнабұлақ, Әлмерек, Боралдай, Кеңсай-2, Көлсай, Алатау, Батыс және Солтүстік зираттар.
CMN.KZ ресми Telegram арнасына жазылыңыз
