Алматының Медеу ауданында болған жанжалдан кейін «ҚазТАГ» агенттігінің иесі Асет Матаев ұсталды, деп хабарлайды CMN.KZ
Алдын ала мәлімет бойынша, екі ер адам көңіл көтеру орнынан мас күйде шығып, басқа азаматтармен сөзге келіп қалған. Жанжал кезінде олардың бірі қорланып, оған әйел деп айтылған.
Көп ұзамай сөз таласы төбелеске ұласқан.
Оқиғаға қатысқан барлық азаматтар полиция қызметкерлерімен ұсталып, бөлімшеге жеткізілді. Бұзақылық фактісі бойынша қылмыстық іс қозғалып, тергеу амалдары жүргізіліп жатыр.
Алматы қалалық Полиция департаментінің баспасөз қызметі әр қатысушының әрекетіне құқықтық баға берілетінін атап өтті. Сондай-ақ қоғамдық тәртіпті бұзу мен агрессияның кез келген көрінісі, әсіресе алкогольдік масаң күйде, қатаң түрде тоқтатылатыны ескертілді.
CMN.KZ ресми Telegram арнасына жазылыңыз
