Қазақстандық теннисші Александр Бублик Индиан-Уэллсте өтіп жатқан «Мастерс» сериясындағы турнирді сәтті бастады, деп хабарлайды CMN.KZ
Ол чехиялық теннисші Вит Копршивамен кездесіп, үш сетке созылған тартысты матчта жеңіске жетті. Ойын 2 сағат 7 минутқа созылды.
Кездесу есебі: 3:6, 7:6 (7:3), 6:2.
Матч барысында Бублик алғашқы сетті қарсыласына беріп қойса да, кейін ойын барысын өзгертіп, тай-брейкте екінші сетті жеңіп алды. Үшінші сетте қазақстандық теннисші басымдық танытып, кездесуді өз пайдасына аяқтады.
Еске сала кетейік, Indian Wells Open–2026 турнирінің жүлде қоры 9 415 725 долларды құрайды.
CMN.KZ ресми Telegram арнасына жазылыңыз
