Елордадағы жалдамалы тұрғын үй бағасы қазан айының қорытындысы бойынша 1,2%-ға арзандады. Бұл төмендеу 2023 жылдың сәуірінен бері алғаш рет байқалып отыр, деп хабарлайды CMN.KZ.
Астанадағы баспана нарығының ұзақ уақыт бойы өсу қарқыны тоқтап, бағаның төмендеуі назар аудартады. Екінші нарықтағы тұрғын үй сатылымы да 1,1%-ға арзандағаны тіркелді.
Алғашқы нарықтағы бағалар тұрақты өсуде
Бірінші несие бюросының мәліметінше, жаңа пәтерлердің бағасы керісінше, 0,5%-ға өскен. Астанада алғашқы нарықтағы бағаның төмендеуі сирек құбылыс, соңғы рет мұндай жағдай 2024 жылдың наурызында, ал одан бұрын 2017 жылы орын алған. Жалпы сатылым мен қайта сатылымдағы орташа баға еліміз бойынша ең жоғары болып қалуда, дегенмен жалдау ақысы алматылық бағалардан сәл төмен.
Алматыда жалдау ақысы өсуде
Алматыда жағдай керісінше: жалдау ақысы соңғы алты ай қатарынан қымбаттап келеді. Соңғы айдағы өсім — 1,5%. Қаңтар және наурыз айларындағы жер сілкінісінен кейін баға уақытша төмендегенмен, қыркүйекке дейін бұл әсер толығымен жойылды. Ал қарашадағы жер сілкінісінің бағаларға әсері келесі айда белгілі болады.
Еске салсақ, қазан айының соңында Қазақстан бойынша жалдамалы баспана арзандап, орташа жалдау ақысы 2%-ға төмендеді. Елдің 14 қаласының 10-ында жалдау бағасы төмендеген. Ең үлкен төмендеу Петропавлда (-10%), Павлодарда (-8%) және Қарағандыда (-5%) тіркелді. Астанада 1%, Алматыда 3%, Шымкентте 4% арзандау байқалды.
