Бұл туралы Ұлттық банк басшысы Тимур Сулейменов 28 қарашада өткен брифингте мәлімдеді. Оның айтуынша, қазіргі жағдайда қазақстандықтар ипотеканы ресімдеуге асықпауы керек, өйткені жоғары пайыздық мөлшерлемелер тұрғын үйді «тым ауыр қаржылық шешімге» айналдырады, деп хабарлайды CMN.KZ
Сулейменов нарық қазір жоғары несие ставкалары кезеңінде екенін және мұндай кезеңде тұрғын үй қарызын ресімдеу айтарлықтай артық төлемдерге айналуы мүмкін екенін еске салды.
«Жоғары несиелік ставкалар жағдайында ипотеканы алуға асықпау керек, өйткені бұл өте қиын – сіз артық төлейсіз. Үй ставкалар 10-12% болғанда алу – бір жағдай, ал 20-25% болғанда мүлдем басқа нәрсе. Мен мұндай жағдайда біраз уақыт күтер едім», – деді ол.
Оның айтуынша, шешім, әрине, қарыз алушының арұжданында қалады, бірақ «шыңында сатып алу» көпшілік үшін жаман стратегия болып табылады.
Сондай-ақ, Ұлттық банк басшысы келесі жылы экономика баяулауы мүмкін, әсіресе бірінші тоқсанда, жүйе салық реформасына бейімделіп жатқанда. Бұл, реттеушінің пікірінше, инфляцияны біртіндеп төмендетуге және нарықтардағы бағаны тұрақтандыруға жағдай жасайды.
«Базалық мөлшерлеме шамамен 16%, ал ипотекалық несие 18-20% және одан жоғары болса, тұрғын үй тым қымбат болады. Егер жеке жағдайлар мүмкіндік берсе, күткен дұрыс», – деді Сулейменов.
Естеріңізге сала кетейік, бүгін, 2025 жылғы 28 қарашада Ұлттық банк базалық мөлшерлеме туралы шешім жариялады. Ол алдыңғы ай деңгейінде қалды және жылдық 18% құрайды.
